Nesfossen Smolt

Nesfossen Smolt produserer om lag 500 tonn fisk årleg og har ni faste tilsette med lang erfaring innan fiskeoppdrett. Selskapet er sertifisert etter den internasjonale kvalitetsstandarden Global G.A.P.

Bedrifta arbeider kontinuerleg med forbetringar og nye moglegheiter som kan bidra til minst mogleg negativ påverknad på natur og miljø, og til ei mest mogleg berekraftig drift.

Anlegget har eige klekkeri og startfôringsavdeling innandørs, og til saman 40 kar i påvekstavdelinga utandørs. Alt er forsynt med elektrisk straum frå fornybar, CO₂-fri, kraftproduksjon.

Som medeigar i nettverksorganisasjonen Salmon Group bidreg Nesfossen Smolt til utvikling og bruk av fôr med meir berekraftige ingrediensar.